Ishchan ruhda kechgan muloqot davomida “Ouhai Jinsheng Trading Co., Ltd” kompaniyasi tomonidan Sirdaryo tumanida "Peng Sheng" sanoat parki tashkil qilingani, Sirdaryo viloyati va Ouxay tumani o‘rtasida 2009 yildayoq boshlangan ushbu hamkorlik munosabatlarini mustahkamlash haqida so‘z bordi. 

O‘zaro manfaatli investitsiya loyihalarini amalga oshirish, tovar ayriboshlashni kengaytirish, savdo ko‘rgazmalari va yarmarkalar kabi yirik tadbirlarda faol ishtirok etish masalalari ham muhokama markazida bo‘ldi.

Akmaljon Maxmudaliyev “Xitoy – Markaziy Osiyo” sammitining o‘tkazilishi Xitoy va O‘zbekiston o‘rtasidagi amaliy hamkorlikni chuqurlashtirish va anʼanaviy do‘stlikni mustahkamlashda muhim rol o‘ynashini taʼkidlab, birgalikda ishlab chiqiladigan loyihalarda Xitoyning ilmiy va texnologik innovatsiyalar sohasidagi ilg‘or tajribasiga tayanilishini aytib o‘tdi.

Viloyatimiz vakillari, shuningdek, "Zhejiang Baizhentang Food" Co. Ltd va "Zhejiang Dahaoda Food" Co. Ltd korxonalarida ishlab chiqarish jarayoni, texnologik innovatsiyalar va mahsulot eksporti bilan tanishishdi.