Делегацияни Гулистон шаҳридаги "Тадбиркорлар ва ҳунармандлар" марказида вилоят ҳокими вазифасини бажарувчи Акмалжон Махмудалиев қабул қилди.
Мулоқот мобайнида ҳамкорлик алоқаларининг истиқболлари борасида фикр алмашилди.
Бўлиб ўтаётган икки томонлама мулоқотларнинг самараси ўлароқ қишлоқ хўжалиги, саноат ишлаб чиқариш, таълим, фавқулодда вазиятлар билан курашиш, шунингдек, вилоятда Корея стандартларидаги шаҳарсозлик нормаларини жорий этиш борасида амалий натижаларга эришилаётгани мамнуният билан қайд этилди.
Айтиш лозимки, бугунги учрашув Жанубий Корея билан ҳамкорликда вилоятда шаҳар инфратузилмасини ривожлантириш ва мактабгача таълим соҳасида бошланган музокараларни давом эттириш учун қулай имконият яратди.
Самимий ва ишчанлик руҳида кечган мулоқот давомида аниқ лойиҳаларни амалга ошириш бўйича келишувларга эришилди. Хусусан, тез орада Гулистон шаҳрида қатор афзалликларга эга, қиймати 50 миллион АҚШ долларига тенг бўлган “Ақлли шаҳар” барпо этишга киришилади.
“EduLink Global” компанияси томонидан “Guliston New City” лойиҳаси доирасида Жанубий Корея тажрибаси асосидаги мактабгача таълим муассасаси қурилиши ҳам назарда тутилмоқда.
Учрашувдан сўнг меҳмонлар юқоридаги лойиҳаларни амалга оширилиши режалаштирилаётган ҳудуд инфратузилмаси билан ҳам танишди.
104,9 %
2023 йилнинг январь–июнь ойларида ўтган йилнинг шу даврига нисбатан фоизи
97,1 %
2023 йилнинг январь–июнь ойларида ўтган йилнинг шу даврига нисбатан фоизи
904 865 киши %
2023 йилнинг январь ойи ҳолатига
100,9 %
2023 йилнинг январь–июнь ойларида ўтган йилнинг шу даврига нисбатан фоизи
104,5 %
2023 йилнинг январь–июнь ойларида ўтган йилнинг шу даврига нисбатан фоизи
109.1 %
2023 йилнинг январь–июнь ойларида ўтган йилнинг шу даврига нисбатан фоизи