Вилоятда насли яхшиланган қорамоллар улуши 72,1 фоизга етказилди

2023 йил давомида чорвачилик ва унинг тармоқларини ривожлантириш мақсадида 72 та лойиҳа амалга оширилди. Лойиҳалар доирасида четдан 12 минг 500 бош қорамол, 11 минг 300 бош қўй-эчки олиб келинди. Бунинг натижасида вилоятда чорва маҳсулотлари етиштириш 106 фоизга ўсишига эришилди.

Шунингдек, 16 янги чорвачилик субъекти ташкил этилиб, 500 дан зиёд доимий ва мавсумий иш ўринлари яратилди.

Бундан ташқари қайта тикланувчи энергиялардан самарали фойдаланиш мақсадида 5 та чорвачиликка ихтисослашган йирик хўжаликларда биогаз ва биогомус ишлаб чиқариш йўлга қўйилган.

2024 йилда чорвачиликка ихтисослашган Сардоба туманида йирик чорвачилик кластери ташкил этилиши белгиланган. Шу мақсадда озуқабоп экинлар етиштириш учун “Sardoba gold” МЧЖга пахта-ғалладан қисқартириладиган ерлар ҳисобидан 187,1 гектар майдон ажратиб берилди.