Ҳудудларда «Жаҳолатга қарши – маърифат» тарғибот тадбирлари ўтказилмоқда

Имом Мотуридий, Имом Бухорий, Имом Термизий халқаро илмий-тадқиқот марказлари ҳамда Ўзбекистондаги Ислом цивилизацияси маркази илмий ходимларидан иборат тарғибот гуруҳи иштирокида Гулистон шаҳри, Ховос ва Гулистон туманларида тарғибот тадбири бўлиб ўтди.

Учрашувларда «Буюк алломаларимиз илмий меросида юксак инсонпарварлик ғоялари тараннуми», «Ёшларимизни ёт оқимларнинг бузғунчи ғояларидан ҳимоя қилиш» ва «Янги Ўзбекистонда диний-маърифий соҳада амалга оширилаётган ислоҳотлар» мавзуларида маърузалар тингланди.

Шунингдек, «Жаҳолатга қарши маърифат – асосий мақсадимиз» номли фильм намойиш этилди.

Тадбир якунида илмий-тадқиқот марказлари томонидан нашр этилган 50 номдаги янги китоб ва рисолалар тақдимот қилинди.