Йод танқислиги сабаб келиб чиқиш эҳтимоли катта бўлган касалликлар уни олдини олишга қаратилган тарғибот тадбири ўтказилди

Биламизки, йод танқислиги руҳий ва ақлий қобилиятларнинг бузилишига, интеллектни пасайишига, буқоқ ривожланишига, қалқонсимон безнинг ишдан чиқишига, болаларнинг жисмоний ва ақлий ривожланишининг секинлашишига, қолаверса, ҳомиладор она қорнидаги ҳомилани шаклланишига салбий таъсир кўрсатади.

Юртимизда, шу ва шунга ўхшаш ҳолатларни олдини олиш, болалар ва оналарни йод препаратлари билан бепул ва ўзликсиз таъминлаш мақсадида Ўзбекистонда "Ёрқин миллат" дастури доирасида кенг кўламли ишлар бошланган эди.

Сардоба туманида соғлиқни сақлаш бошқармаси ҳамда туман прокуратураси ташаббуси билан ташкил этилган йод танқислиги, уни олдини олишга қаратилган тарғибот тадбирида йод препаратлари, ундан самарали фойдаланиш йўллари тўғрисида сўз юритилди.

Гулистон тиббиёт кластери, унинг эндокринология бўлими мутахассислари ҳам жалб этилиб, йод етишмовчилиги сабаб келиб чиқиши мумкин бўлган инсон организмидаги ўзгаришлар тўғрисида, сўнгра ушбу ўзгаришларни олдини олиш учун тавсия этилган йод препаратлари, уни қабул қилиш дозалари тўғрисида маҳим тавсиялар берилди.