Оилавий болалар уйларида ўзгача байрам шукуҳи ҳукмрон

Мамлакатимизда етим ва ота-она қарамоғидан маҳрум бўлган болалар алоҳида эътиборга олинган. Давлат томонидан берилган имтиёзлар натижасида бундай болаларни ўз бағрига олаётган оилалар ортиб бормоқда. Жумладан, бугунги кунда вилоятимизда 8 та оилавий болалар уйи ташкил этилиб, 48 нафар ўғил-қиз тарбияга олинган.

Янги йил байрами арафасида вилоят ҳокими вазифасини бажарувчи Акмалжон Махмудалиев, сектор раҳбарлари ва нуронийлар ҳамроҳлигида мазкур оилавий болалар уйларида тарбияланаётган ўғил-қизларнинг ҳолидан хабар олиб, уларга байрам совғаларини топширди.

Вилоят ҳокими Сирдарё вилоятида республикада биринчилардан бўлиб "Болалар шаҳарчаси" ёпилиб, уларнинг тарбияланувчилари оилавий болалар уйларига олинганини қайд этди.

Шунингдек, бағрикенг оилалар ота-онаси меҳридан айрилган болаларни ўз қарамоғига олганини қаҳрамонлик деб атаб, уларга миннатдорчилик билдирди.