Ишлар сарҳисоби

Вилоят Оила ва хотин-қизлар бошқармасида 2022 йилда тизимда амалга оширилган ишлар юзасидан матбуот анжумани бўлиб ўтди.

Дастлаб тадбир иштирокчилари вилоят Хотин-қизлар тадбиркорлик марказида касб-ҳунарга ўқитиш жараёнлари билан яқиндан танишиб, марказда касб ўрганаётган хотин-қизлар билан мулоқот қилди.

Шунингдек, Аёлларни реабилитация қилиш ва мослашув маркази фаолияти, бу ерда яратилган шароитлар билан танишди.

Матбуот анжуманида вилоят ҳокими ўринбосари, Оила ва хотин-қизлар бошқармаси бошлиғи Наргиза Тожибоеванинг ҳисоботи тингланди.

– Хотин-қизлар аёллар тадбиркорлигини қўллаб-қувватлаш бўйича олиб борилаётган саъй-ҳаракатлар опа-сингилларимизнинг ижтимоий фаоллигини оширишга, турмуш фаровонлигини юксалтиришга имкон яратмоқда, – дейди вилоят ҳокими ўринбосари Н.Тожибоева. – Сирдарё вилояти хотин-қизлар тадбиркорлик маркази томонидан туман-шаҳарларда тадбиркорлик қилиш истаги бўлган 10 234 нафар хотин-қиз касб-ҳунарга ўқитилиб, 5 562 нафарига имтиёзли кредит ажратилди. Жорий йилда 6641 нафар хотин-қиз тадбиркор сифатида давлат рўйхатидан ўтиб, улар томонидан 11 979 та янги иш ўрни яратилди.

Матбуот анжуманида ОАВ вакилларини қизиқтирган саволларга батафсил жавоблар берилди.