Сешанба, 27 Апрель 2021, 13:07:58
Ҳаво ҳарорати -3C°
eye Кўзи ожизлар учун
Вилоятимизда Қирғизистон кино кунлари
Маълумки, мамлакатимиз бўйлаб “Ипак йўли дурдонаси” XIV Тошкент халқаро кинофестивали бўлиб ўтмоқда.

Кинофестиваль давомида ҳудудларда кино кунлари ўтказилиши режалаштирилган бўлиб, бугун вилоят мусиқали драма театрида “Қирғизистон кино кунлари” ташкил этилди.

Очилиш маросимида вилоят ҳокимининг ўринбосари Шоҳруҳ Исақулов, Қирғизистон делегацияси аъзолари, санъат намоёндалари ҳамда вилоятимиздаги кино ихлосмандлари иштирок этишди.

Сўз олганлар икки давлат раҳбарларининг сиёсий иродаси ва саъй-ҳаракатлари билан барча соҳаларда бўлгани каби кинематография йўналишида ҳам ҳамкорлик муносабатлари кун сайин янги босқичга чиқаётганини таъкидлашди.

Шундан сўнг делегация таркибида вилоятимизга келган санъаткорлар, кино усталари бирма бир таништирилди. Улар сирдарёча меҳмондўстлик учун миннатдорчилик билдирдилар. Шундан сўнг қирғизистонлик кино ижодкорлар томонидан суратга олинган “Кўпкари” бадиий фильми иштирокчилар эътиборига ҳавола этилди.

Шунингдек, йиғилганлар эътиборига Ўзбекистон давлат филармонияси Сирдарё вилоят бўлими ёш ижрочилари томонидан тайёрланган кичик концерт дастури намойиш этилди.

Куннинг иккинчи ярмида меҳмонлар, кино санъати усталари вилоятимизнинг диққатга сазовор жойлари, хусусан, Гулистон туманидаги "Ўлкашунослик музейи"да ҳам бўлиб, музей фаолияти билан яқиндан танишдилар.

Делегация аъзоларининг вилоятимизга ташрифи эртага ҳам давом этади.

Сирдарё рақамларда
Хатолик ҳақида маъмуриятга хабар бериш