“Yangi nafas” marafoni ikki mingdan ziyod sportsevarlarni qamrab oldi

Bugun tongda Xalqaro Olimpiya kuni va 30-iyun - Yoshlar kuni munosabati bilan “Yangi nafas" ommaviy yugurish musobaqasi o‘tkazildi. Unda 2 ming nafarga yaqin ishtirokchilar viloyatimiz markazidagi Guliston hamda I.Karimov ko‘chalari bo‘ylab 3 km masofani bosib o‘tishdi.

Yakuniy natijalariga ko‘ra, erkaklar o‘rtasida Viktor Surenko birinchi, Faxriddin Amudov ikkinchi, Sardor Mamedov uchinchi o‘rinni egallagan bo‘lsa, qizlar o‘rtasida Ekatrina Antropova birinchi, Ruxshona Raimqulova ikkinchi va Zuxra Abduxamidova uchinchi o‘rinni qo‘lga kiritdi.

Imkoniyati cheklanganlar o‘rtasida Javlonbek Axmatov va Moxinur Xolturayevalar marra chizig‘ini birinchi bo‘lib bosib o‘tishdi.

Musobaqada, shuningdek, turli nominatsiyalar sohiblari ham aniqlandi. Jumladan, 5 yoshli Ulug‘bek Muxammadov “Eng yosh ishtirokchi”, G‘ofurjon Qayumov “Eng faol ishtirokchi”, deb topilgan bo‘lsa, Milliy gvardiya boshqarmasi jamoasi “Eng faol jamoa” nominatsiyalariga loyiq ko‘rildi.

G‘olib va sovrindorga medal, diplom va esdalik sovg‘alari tantanali ravishda topshirildi.