Davlatimiz rahbarining tegishli farmoniga ko‘ra, bu yil Navro‘z umumxalq bayrami munosabati bilan yurtdoshlarimiz ish haftasining turidan qatʼi nazar ketma-ket 4 kun dam oladi.

Ana shu davrda viloyat Sog‘liqni saqlash boshqarmasi tizimidagi davolash-profilaktika muassasalarining 1 800 nafardan ortiq tibbiyot xodimi qonunda belgilangan tartibda, navbatchilik asosida aholiga xizmat ko‘rsatadi:

11 ta ko‘p tarmoqli va oilaviy poliklinika;

37 ta oilaviy poliklinika;

72 ta oilaviy shifokor punkti;

40 ta mahalla tibbiyot punkti;

15 ta ixtisoslashtirilgan tibbiyot markazlari.

Respublika shoshilinch tibbiy yordam ilmiy markazi, uning viloyat filiali hamda tuman va shaharlardagi 9 ta shoshilinch tibbiy yordam qabul bo‘limi hamda tumanlararo qo‘shma shikastlanishlar va o‘tkir qon-tomir kasalliklari markazlarida 24 soat davomida navbatchi shifokor va hamshiralar faoliyat yuritadi. 

Viloyat bo‘yicha 95 ta tez tibbiy yordam brigadasi aholidan bo‘ladigan chaqiriqlar asosida kunu tun xizmat ko‘rsatadi.

Bundan tashqari, 11 ta tug‘uruq, 11 ta bolalar davolash muassasaci ham uzluksiz ish olib boradi. 

Viloyat Sog‘liqni saqlash boshqarmasining (67) 225-05-33 ishonch raqami orqali tibbiyotga tegishli savollaringizga malakali mutaxassislardan kechayu kunduz javob olishingiz mumkin.