Гулистон тумани адлия бўлимининг янги биноси фойдаланишга топширилди

Тантанали очилиш маросимида вилоят ҳокими Акмалжон Махмудалиев, тизими ходимлари ва фаоллар, кенг жамоатчилик иштирок этди.

Замонавий ва миллий шаҳарсозлик нормаларига мувофиқ қад ростлаган ушбу иншоотда фуқаролар ва тадбиркорлар учун ҳар томонлама қулай шароитлар яратилган бўлиб, тезкор, шаффоф, сифатли давлат хизматлари ва ҳуқуқий ёрдам кўрсатилади.

Адлия бўлими, юридик хизмат кўрсатиш маркази, ФҲДЁ бўлими ва давлат хизматлари марказининг бир жойда бўлиши ҳудуд аҳолисига янада қулайлик яратади.

Бу ерда бир вақтнинг ўзида 400 дан ортиқ давлат хизмати кўрсатилади. Электрон навбат тизими, ахборот киоскаси, электрон хизматлардан мустақил фойдаланиш ҳамда мини-кутубхона ҳам ташкил қилиниб, махсус адабиётлар билан бойитилган.