“Биз бир бўлсак – ягона халқмиз, бирлашсак

“Биз бир бўлсак – ягона халқмиз, бирлашсак – Ватанмиз!”

Мирзаобод туманидаги ҳарбий қисмда Мудофаа вазирлиги ташаббуси билан ўтказилаётган “Биз бир бўлсак – ягона халқмиз, бирлашсак – Ватанмиз!” шиори остидаги ҳарбий-ватанпарварлик мусобақаларининг вилоят босқичи бўлиб ўтди.

Оталиққа олинган ёшларни ҳарбий-амалий спорт мусобақаларига кенг жалб қилиш, улар ўртасида ўзаро маданий-спорт алоқаларини йўлга қўйиш, интеллектуал салоҳиятини ошириш, энг асосийси, ҳаётда билиб-билмай йўлдан адашган ёшларни тўғри йўлга қайтаришга кўмаклашиш мақсадида ташкил қилинган мусобақада ёшлар “Ҳарбийлаштирилган спорт эстафетаси”, “Арқон тортиш”, "Заковат", “Куч машқи” ҳамда “Мусиқий батл” шартлари бўйича дўстона беллашдилар.

Якуний натижаларга кўра, Сардоба тумани жамоаси 1-ўринни эгаллаб, мусобақанинг Республика босқичига йўлланмани қўлга киритди. 2-ўрин Сирдарё тумани жамоаси, 3-ўрин Ховос тумани жамоасига насиб этди.

Ғолиб ва совриндорлар қимматбаҳо совғалар ҳамда диплом билан тақдирланди.