Айни вақтда вилоятнинг Мирзаобод туманидаги  “Мирзо Улуғбек”  МФЙ ҳудудида жойлашган Роҳат, «Нурафшон» МФЙ ҳудудида жойлашган Найман, “Янги ҳаёт” МФЙ ҳудудида жойлашган Баҳор,  Сардоба туманидаги "Янгиқишлоқ"  МФЙ ҳудудида жойлашган  Бахмал қишлоқларида, Ховос туманидаги “Нурли келажак” маҳалла фуқаролар йиғини ҳудуди кўчаларида ҳамда «Ховособод» МФЙнинг янги кўчаларида сув тармоқларини тортиш, ўрнатиш ишлари олиб бориляпти.

– Рости тоза ичимлик суви бизнинг кўп йиллик муаммомиз,– дейди янгиқишлоқлик Жўрабой ота.–Президентимизнинг эътибори сабаб, бу муаммодан қутуладиган бўляпмиз. Ота-боболаримиз "Сув  –  тириклик манбаи”  деб бежиз айтишмаган.  Бу борадаги ишлардан, нафақат мен, барча аҳолимиз мамнун.  

Лойиҳа доирасида ушбу ҳудудларга 3 дона янги сув минораси ўрнатилади, 2 дона сув минораси қайта таъмирланади, 17, 7 км ичимлик суви тармоқлари тортилади. Режалаштирилган ишлар учун маблағ ажратилган. Қурилиш ишлари эса белгиланган режа асосида  олиб бориляпти.

Сув тармоқларини тортиш ва ўрнатиш ишлари билан танишиш мақсадида “Ўзсувтаъминот” акциядорлик жамияти бошқаруви раиси вазифасини бажарувчи Аҳмад Сувонқулов Сирдарёда бўлиб, соҳа ходимлари, қурувчилар, аҳоли вакиллари билан учрашиб,  тоза ичимлик суви тармоқларини тортишда аҳамият қаратилиши лозим бўлган жиҳатларга масъулларнинг эътиборини қаратди.