Мукофотлар ўз эгаларига топширилди

Хабарингиз бор, муҳтарам Президентимизнинг куни кеча эълон қилинган тегишли фармон ва фармойишига мувофиқ Сирдарё вилоятида фаолият юритувчи бир гуруҳ тадбиркорлар давлат мукофотлари ва «Фаол тадбиркор» кўкрак нишони билан тақдирланди.

Бугун вилоят ҳокимлиги «Қабуллар уйи»да 20 август - "Тадбиркорлар куни" олдидан байрам тадбири бўлиб ўтди. Тантанали маросимда вилоят ҳокими Акмалжон Махмудалиев иштирок этди ва нутқ сўзлади.

Юксак мукофотлар ўз эгаларига топширилди. Шунингдек, бизнесда эришаётган салмоқли натижалари ҳамда ижтимоий ҳаётдаги фаол иштироки учун йигирмага яқин ишбилармонлар вилоят ҳокимининг ташаккурномаси билан тақдирланди.

Мукофотланганлар номидан сўзга чиққанлар эътибор ва рағбат учун миннатдорлик билдириб, бундай эътироф Янги Ўзбекистон тараққиёти йўлидаги келгуси фаолиятларида мустаҳкам ишонч беришини таъкидладилар.

Тадбир бир пиёла чой устида кечган ширин дийдор ва барчага хушкайфият бахш этган концерт дастури билан давом этди.