Ҳарбий хизматчиларга янги хонадон калитлари топширилди

Ўзбекистон Республикаси Давлат мустақиллигининг 33 йиллиги олдидан Ширин шаҳрида Чегара қўшинлари ҳарбий хизматчилари учун қурилган хизмат уйлари фойдаланишга топширилди.

Шу муносабат билан бўлиб ўтган тантанали тадбирда вилоят ҳокими, ҳарбий-маъмурий сектор раҳбари Акмалжон Махмудалиев, шаҳар сектор раҳбарлари, ҳарбий хизматчилар ва уларнинг оила аъзолари, нуронийлар иштирок этди.

Хонадон соҳибларини самимий қутлаган вилоят ҳокими Президентимиз ташаббуси билан ҳарбийлар ва уларнинг оила аъзоларини ижтимоий қўллаб-қувватлаш борасида олиб борилаётган ишлар хусусида тўхталди. 4 қаватли 28 хонадонли кўп қаватли уйда зарур барча қулайликлар яратилгани айтиб ўтилди.

Хонадонлардаги шарт-шароитлар билан танишилди. Нуронийлар дуога қўл очиб, юртга тинчлик-осойишталик, оилаларга қут-барака тилади.