Сешанба, 27 Апрель 2021, 13:07:58
eye Кўзи ожизлар учун
"Зомин” тантаналар мажмуасида Қишлоқ хўжалиги ходимлари кунига бағишланган байрам тадбир бўлиб ўтди. Тадбирга аграр соҳа жонкуярлари таклиф этилди.
Вилоят ҳокими Акмалжон Махмудалиев соҳа ходимларини касб байрами билан самимий табриклади. Ҳалол меҳнати, азму шижоати учун уларга миннатдорлик билдирди.

Президентимиз ташаббуси билан соҳада олиб борилаётган кенг кўламли ислоҳотлар, замонавий агротехнологияларнинг жорий этилиши, Сирдарё миришкорларининг машаққатли меҳнати туфайли жорий йилда ғалла, пахта, пилладан мўл ҳосил олингани, озиқ-овқат маҳсулотлари етиштириш кўпайгани қайд этилди.

Бир гуруҳ илғор деҳқон ва фермерларга “Қишлоқ хўжалиги фидойиси”, “Илғор фермер”, "Сув хўжалиги аълочиси", "Намунали томорқачи", "Меҳнаткаш деҳқон" кўкрак нишонлари, вилоят ҳокимининг ташаккурномаси ҳамда эсдалик совғалари топширилди.

Байрам тантанаси сўз усталарининг чиқишлари ва элимиз ардоғидаги хонандалар ижросидаги дилтортар тароналар билан давом этди.

Сирдарё рақамларда
Хатолик ҳақида маъмуриятга хабар бериш