Маҳалла ёшлари ўртасидаги «Заковат» турнирининг вилоят босқичи ғолиблари аниқланди

Гулистон шаҳридаги “Ёшлар маркази”да "Беш ташаббус олимпиадаси" иккинчи мавсуми доирасида маҳалла ёшлари ўртасидаги "Заковат" интеллектуал турнирининг вилоят босқичи бўлиб ўтди.

Турнирининг туман ва шаҳар саралаш босқичида жами 37 та жамоа, 260 нафарга яқин ёш қатнашди. Ҳар бир ҳудуддан биттадан энг кучли жамоалар вилоят босқичига етиб келди.

Шиддатли курашлар ва ҳис-ҳаяжонга бой ўтган мусобақа якунида 1-ўрин Янгиер шаҳар Шукрона маҳалласи жамоасига насиб этган бўлса, 2-ўринни Гулистон тумани Олтин водий маҳалласи жамоаси, 3-ўринни Сирдарё тумани Бунёдкор маҳалласи жамоаси эгаллади ва ҳар учала жамоа ҳам турнирнинг республика босқичига йўлланмани қўлга киритди.

Тақдирлар маросимида вилоят ҳокими Акмалжон Махмудалиев ҳам иштирок этиб, ёшларни китобхонликка, илм олишга чорлади ва ғолиб жамоаларга кейинги босқичда омад тилади. Уларга имматбаҳо совғалар топширилди.

Турнир давомида, шунингдек, «Заковат» телеўйини бошловчиси, «Заковат интеллектуал клуби» ННТ президенти Абдурасул Абдуллаев иштирокида маҳорат дарслари ҳам ташкил қилинди.