Дастлаб Чжецзян провинцияси партия қўмитаси раиси ўринбосари Е Чженбо билан музокаралар олиб борилди. Унда 4 та йўналиш - Чжэцзянь провинцияси билан дўстлик алоқаларини ўрнатиш, прагматик иқтисодиёт ва савдо соҳасини ривожлантириш, янги савдо ҳамкорлик йўналишларини очиш, онлайн платформалар орқали савдони ривожлантириш, Ўзбекистонда етиштирилаётган қишлоқ хўжалиги ва озиқ-овқат маҳсулотларининг онлайн савдосини йўлга қўйиш ҳамда гуманитар соҳада ҳамкорлик қилиш масалалари кўриб чиқилди.

Хитойнинг қуёш панеллари ишлаб чиқарувчи йирик “Longi” компаниясининг Марказий Осиё давлатлари билан ишлаш бўйича менежери Зоя хоним билан ўтган учрашувда компания ҳисобидан Ширин Энергетика коллежи негизида қуёш панелларига хизмат кўрсатиш соҳасида 22 нафар мутахассисларни қисқа муддатли ўқув курсларини ташкил этиш бўйича келишувга эришилди.

Бундан ташқари Хитойнинг “TIANJIN ZHONGHENG GLORY TECHNOLOGY” компанияси раҳбари Виктори хоним “Sports and Chinese Medicine Health Industry Branch” компанияси президенти ўринбосари Ван Лин билан мулоқот давомида Янгиер шаҳрида Хитой халқ табобати маркази филиалини ташкил этишга келишилди. Бунда шаҳар марказий шифохонаси физиотерапия бўлимида даволаш ишлари Хитой анъанавий тиббиёти усуллари татбиқ этилади. Шу билан бирга бўш турган бино негизида хусусий клиника - Хитой табобат маркази ҳам ташкил этилади.

Шунингдек, “Shanxi Dayun Automobile Manufacture” компаниясининг сотув бўйича менежери жаноб Хейди билан Янгиер шаҳрида "Dayun" бренди остида турли хил электромобиль ва электроскутерлар ишлаб чиқаришни йўлга қўйиш масаласи муҳокама қилинди. Шунинг билан вилоятимиз вакилларининг амалий сафари якунланди.