Бемор Товбой Яхшибоев — 68 ёшда. Сайхунобод туманининг Гулбулоқ маҳалласидан. У мазкур муассасага бир неча кун муқаддам артериал қон босими 220/160 мм. симоб устунидан тушмаганлиги ва қилинган муолажалар самара бермагани сабабли мурожаат қилган.
Марказ мутахассислари томонидан функционал ва лаборатор текширувлар ўтказилгач, беморнинг буйрак артериясида атеросклеротик торайиш аниқланди. Шундан сўнг унда юқори технологик тентлаш операцияси бажарилди.
Амалиётдан сўнг қисқа вақт ичида беморнинг аҳволи ижобий томонга ўзгарди. Шикоятлар камайиб, умумий аҳволи яхшиланди. Ҳозир у шифокорлар назорати остида керакли муолажаларни олмоқда.
Марказимизда рентген-эндовакуляр хирургия бўлимининг очилиши уйқу, оёқ, сон, қорин, ўмров суяк ҳамда буйрак артерияларида юқори турдаги ноёб ташхислаш ва даволаш усулларини ўтказиш имконини бермоқда, — дейди филиал директори Шуҳрат Ҳусанов. — Бу эса ўткир миокард инфарктга чалинган оғир беморларни соғлом ҳаётга қайтариш, уларнинг умрини узайтириш имконини бераётир.
Маълумот ўрнида айтиш лозимки, бугунгача мазкур муассасада мингдан ортиқ беморда коронарографик ташхислаш, беш юздан ортиқ кишида эса мураккаб стентлаш операцияси амалга оширилди. Бундан ташқари, юрак нуқсони бор болаларга окклюдер ўрнатиш йўлга қўйилди.
104,9 %
2023 йилнинг январь–июнь ойларида ўтган йилнинг шу даврига нисбатан фоизи
97,1 %
2023 йилнинг январь–июнь ойларида ўтган йилнинг шу даврига нисбатан фоизи
904 865 киши %
2023 йилнинг январь ойи ҳолатига
100,9 %
2023 йилнинг январь–июнь ойларида ўтган йилнинг шу даврига нисбатан фоизи
104,5 %
2023 йилнинг январь–июнь ойларида ўтган йилнинг шу даврига нисбатан фоизи
109.1 %
2023 йилнинг январь–июнь ойларида ўтган йилнинг шу даврига нисбатан фоизи