Вилоят ҳокимининг ўринбосарлари, гуруҳ ва котибият мудирлари, аппарат ходимлари, вилоят бошқарма ва ташкилотлари вакиллари иштирокида шаҳар, туманлар ҳокимликлари билан видеоконференцалоқа шаклида ўтган семинарда дастлаб Давлат хизматини ривожлантириш агентлиги масъул ходими Ўктам Ҳамраевнинг маърузаси эшитилди. Давлат фуқаролик хизматчилари ўртасидаги ўзаро ахлоқий муносабатлар, давлат фуқаролик хизматчиларининг ишчанлик обрўси ва хизматнинг нуфузига путур етказиши мумкин бўлган ҳаракатлар ёки ҳаракатсизлик, хизмат фаолиятидаги ва хизматдан ташқаридаги хулқ-атворнинг асосий қоидалари ҳақида батафсил тушунча берилди.
Шундан сўнг Давлат хизматини ривожлантириш агентлигининг вилоят филиали раҳбари Отабек Мавлонбердиев ҳамда вилоят адлия бошқармаси бошлиғи ўринбосари Сафар Тоғаевларнинг давлат фуқаролик хизматчиларининг намунавий одоб-ахлоқ қоидалари, уларни қабул қилиш шарт-шароитлари, зарурати ва аҳамияти ҳамда Касбий маданиятга оид, хизмат фаолиятидаги ва хизматдан ташқари, шунингдек, ташқи кўриниш ва кийиниш услубига оид умумий одоб-ахлоқ қоидалари бўйича маърузалари тингланди.
Семинарда жамоатчилик вакиллари, жисмоний ва юридик шахслар билан ишлашда одоб-ахлоқ қоидаларига риоя қилиш ва унинг аҳамияти, манфаатлар тўқнашуви ва коррупция ҳолатларининг олдини олиш масалаларига ҳам тўхталиб ўтилди. Давлат фуқаролик хизматчилари ҳалол ва виждонан фаолият олиб боришлари, халқ розилиги учун меҳнат қилишлари зарурлиги, давлатимиз раҳбари томонидан қўйилаётган асосий талаб ҳам шундан иборат эканлиги, вилоятда ҳам белгиланган одоб-ахлоқ қоидаларига амал қилинишини таъминлаш зарурлиги таъкидланди.
Иштирокчилар ўзларини қизиқтирган саволларга мутахассислардан жавоблар олдилар ва ўз фикр-мулоҳазаларини билдирдилар.
104,9 %
2023 йилнинг январь–июнь ойларида ўтган йилнинг шу даврига нисбатан фоизи
97,1 %
2023 йилнинг январь–июнь ойларида ўтган йилнинг шу даврига нисбатан фоизи
904 865 киши %
2023 йилнинг январь ойи ҳолатига
100,9 %
2023 йилнинг январь–июнь ойларида ўтган йилнинг шу даврига нисбатан фоизи
104,5 %
2023 йилнинг январь–июнь ойларида ўтган йилнинг шу даврига нисбатан фоизи
109.1 %
2023 йилнинг январь–июнь ойларида ўтган йилнинг шу даврига нисбатан фоизи