Sirdaryo tumani Furqat mahallasi obod go‘shaga aylanadi

Viloyat hokimi Akmaljon Maxmudaliyev bugun ushbu mahallada bo‘lib, faollar va nuroniylar bilan ochiq muloqot o‘tkazdi.

Og‘ir hudud toifasida bo‘lganligi bois kelgusi yil boshida bu yerda "Obod xonadon", "Obod ko‘cha" va "Obod mahalla" mezonlari asosida infratuzilmani yaxshilash, aholi uchun munosib turmush sharoitini yaratishga qaratilgan katta hajmdagi qurilish, taʼmirlash va obodonlashtirish ishlari amalga oshirilishi belgilangan.

Kompleks chora-tadbirlar ijrosi doirasida ijtimoiy muammolarni hal qilish bilan birga, Sayxunobod, Uychi, Zarbdor tajribalari asosida ishsizlik va kambag‘allikni qisqartirish, mahallani tadbirkorlik markaziga aylantirish choralari ham ko‘riladi.

Muloqot davomida aholining bu boradagi taklif va tashabbuslari tinglandi. O‘z navbatida ular odamlarning hayotdan rozi qilishdek ulug‘vor maqsad yo‘lida ish olib borayotgan Davlatimiz rahbariga o‘z minnatdorliklarini izhor qilishdi.

O‘rganishlar, bildirilgan fikr-mulohazalardan kelib chiqib “Yo‘l xarita” tayyorlanishi aytildi. Masʼullar oldida turgan muhim vazifalar belgilab olindi.