Chet tillarini o‘qitish bo‘yicha xalqaro konferensiya

Sirdaryo viloyati maktabgacha va maktab taʼlimi boshqarmasida “Umumtaʼlim maktablarida chet tillarini o‘qitishda zamonaviy innovatsion texnologiyalar va metodlardan foydalanish hamda ularning samaradorligi” mavzusida xalqaro ilmiy-amaliy konferensiya o‘tkazildi.

Anjumanda “Ingliz tili darslarida o‘quvchilarni harakatga keltirish”, "Ingliz tilini o‘rgatishda taʼlimda texnologiyaning o‘rni", "Ingliz tilini gapirishda ishonchni mustahkamlash", “Uzluksiz taʼlim shartlari va bosqichlari”, “Ingliz tili darslarida kommunikativ til yondashuvi", “21-asrda filologiya, antropologiya va madaniyatlararo aloqalar o‘rtasidagi munosabatlar masalasi”,"XXI asr o‘quvchi talabiga javob beradigan hamda ingliz tili darslarida yordam beradigan o‘quv materiallari va innovatsion vositalar",“Chet tillarni o‘rganishni ommaviylashtirishni sifat jihatidan yangi bosqichga ko‘tarish chora-tadbirlari to‘g‘risida” kabi mavzularida so‘z yuritildi.

Xalqaro ilmiy-konferensiyada Hindiston, Filippin hamda Rossiya davlatidan tashrif buyurgan mutaxassislar hamda Sirdaryo viloyati maktabgacha va maktab taʼlimi boshqarmasi tizimidagi ixtisoslashtirilgan maktab, umumiy o‘rta taʼlim maktablarining chet tillari bo‘yicha fan o‘qituvchilari ishtirok etishdi.