Unda viloyat hokimi vazifasini bajaruvchi Akmaljon Maxmudaliyev, sektor rahbarlari, tegishli tashkilotlar vakillari ishtirok etdi. Viloyat rahbari kirish so‘zi avvalida yoshlarni bugungi forum hamda kirib kelayotgan Yangi yil bilan tabrikladi. Shuningdek, viloyatda “Yoshlar balansi”ni shakllantirish, “Yoshlar daftari” ro‘yxati va “Yoshlar dasturlari” asosida bajarilgan ishlar borasidagi muhim raqamlarga to‘xtalib o‘tildi.

Qayd etilishicha, yil boshida viloyatda 14-30 yoshdagi 219 ming nafar yigit-qizlarning qiziqishlari o‘rganilib, “Yoshlar balansi” shakllantirildi. “Yoshlar daftari” ro‘yxatiga kiritilgan 11 ming 347 nafar yoshlardan 9 ming 719 nafarining muammolari ijobiy hal etildi.

Hozirgi kunga qadar 5 046 nafar yoshlar ishga joylashtirildi, 494 nafar yoshlar “1+1” tamoyili asosida tadbirkorlarga biriktirildi, 6 096 nafariga imtiyozli kreditlar, 5 973 nafariga ekin yer maydonlari ajratildi. 759 nafar yoshlar kasb-hunarga o‘qitildi.

Forum doirasida 35 nafari yil davomida Xalqaro daraja o‘tkazilgan turli yo‘nalishlardagi tanlov hamda musobaqalarda yurtimiz sharafini munosib himoya qilgan yoshlar, "Besh tashabbus olimpiadasi"ning II bosqichida g‘oliblikni qo‘lga kiritgan jamoalar aʼzolari, shuningdek, “mahallabay” ishlash tizimida namunali faoliyat ko‘rsatgan sektor rahbarlari, mahalla raislari, hokim yordamchilari, yoshlar yetakchilari, xotin-qizlar faollari va biri guruh "Maʼrifat targ‘ibotchi"lari eʼtirof etilib, diplom ham qimmatbaho sovg‘alar bilan taqdirlandi.