Сешанба, 27 Апрель 2021, 13:07:58
Havo harorati -3C°
eye Ko'zi ojizlar uchun
Ko‘ngillarga ko‘chgan xayriya tadbirlari
Yurtimizda inson qadri, uning huquq va manfaatlarini taʼminlash davlat siyosatining ustuvor yo‘nalishi etib belgilangan. Barcha fuqarolar kabi nogironligi bo‘lgan yurtdoshlarimizga eʼtibor va g‘amxo‘rlik ko‘rsatish 3 dekabr – Xalqaro nogironlar kunida yana-da yaqqolroq namoyon bo‘lmoqda.

Buni viloyat hududlarida istiqomat qiluvchi nogironligi bo‘lgan shaxslarni har tomonlama qo‘llab-quvvatlash maqsadida o‘tkazilayotgan qator tadbirlar misolida ham ko‘rish mumkin.

Viloyat hokimi vazifasini bajaruvchi Akmaljon Maxmudaliyev hamda viloyat sektor rahbarlari turli mahallalarda bo‘lib, nogironligi bo‘lgan fuqarolar holidan xabar oldi.

- Maqsadimiz nogironligi bo‘lgan fuqarolarni moddiy-maʼnaviy qo‘llab-quvvatlash, ko‘ngillarini obod qilish, - deydi viloyat rahbari. – O‘zgalar parvarishiga muhtoj kishilar ozgina eʼtibor va rag‘batning qadrini yaxshi biladi. Kimningdir eshikdan kirib kelishini, holidan xabar olishini intiqlik bilan kutadi.

Yo‘qlovlar chog‘ida bir necha turdagi oziq-ovqat mahsulotlari, nogironlik aravachalari tarqatildi.

– Eʼtibordan ko‘nglim tog‘day ko‘tarildi, – deydi Guliston shahri "Buyuk kelajak" mahallasida yashovchi, 1-guruh nogironi Hikmatoy Mamatova. – Men kabi ko‘ngli o‘ksik insonlarga ko‘rsatilayotgan eʼtibor, ehtirom uchun Yurtboshimizga, barcha yaxshi insonlarga rahmat.

Mehr-saxovatning katta-kichigi bo‘lmaydi, u doimo qalbi o‘ksik, mehrga muhtoj kishilar diliga nur olib kiradi. Yaxshilik ko‘rganlarning eʼtibor, mehr-muruvvatdan ko‘ngillari shod bo‘ladi. Zero, eʼzoz va eʼtibor, bir kalima shirin so‘z hech qachon esdan chiqmaydi.

Bu kabi xayrli ishlar tuman va shaharlarda ham davom etmoqda.

Sirdaryo raqamlarda
Xatolik haqida ma'muriyatga xabar berish