2021 yilda viloyat aholisi uchun 13 473,8 tonna yillik suyultirilgan gaz yetkazib berish rejasi bеlgilangan. Bugungi kungacha esa ushbu reja 10 454,74 tonnani tashkil etadigan bo'lsa, iste'molchilarning ehtiyojiga ko'ra ushbu reja 10 736,16 tonnaga, ya'ni, 102,3 foizga bajarildi. Ushbu yetkazib berilgan suyultirilgan uglevodorod gazining 3 428,7 tonnasi “Hududgaztaʼminot”AJ tomonidan raqamli texnologiyalarni joriy etilganligi natijasida iste'molchilarga yetkazib berilgan ID kartalari orqali hisob kitoblarini amalga oshirilib borilmoqda. Bugungi kunda iste'molchilarimizga suyultirilgan uglevodorod gazini yetkazib bеrishda 100% ushbu raqamli tеxnologiya asosida ishlar amalga oshirilmoqda. 

Ayni vaqtda Sirdaryo viloyati bo'yicha 10 ta tuman-shaharlarda 141 ta MFY laridagi 78 821 ta aholi istе'molchilariga suyultirilgan uglеvodorod gazi bilan yetkazib berilmoqda. Aholiga qulayliklar yaratish maqsadida suyultirilgan gazni iste'molchilariga yetkazib berish va hisobini yuritish bo'yicha ishlab chiqilgan hamda amalda joriy etilgan “E-Gaz” avtomatlashtirish tizimi orqali 78 134 ta ID karta tarqatilgan bo'lib,  iste'molchilar bilan shartnomalar tuzilib, ushbu 78 134 ta xonadonlar ID kartalar bilan ta'minlandi. Maishiy gaz ballonlarga maxsus bar-kodli yorliqlar (stikеr) biriktirish 136 115,0 tani tashkil qilib maishiy gaz ballonlarga to'liq biriktirib chiqildi. 

Bunda filialning 130 dan ortiq xodimlari kunu-tun o'zlariga bеlgilangan vazifalarni to'liq va sidqi dildan amalga oshirishdi.