Ob-havo: Guliston

Hozir saytda 2

Saytimizga baho bering

Ovoz natijalari

Loading ... Loading ...

Viloyat hokimining 2013 yil “Biz buyuk yurt farzandlarimiz!” yoshlar festivali gala-konsertida so‘zlagan nutqi

Sirdaryo viloyati hokimi O. SH. ASHURMATOVning

 “Biz buyuk yurt farzandlarimiz!” yoshlar festivali gala-konsertida  so‘zlagan nutqi 

2013 yil 22 iyul                                             Guliston sh.

                                              “Alpomish” sport kompleksi. 

Assalomu alaykum hurmatli mehmonlar!

 Qadrli do‘stlar va aziz yoshlar!

Eng ulug‘, eng aziz bo‘lmish istiqlolimiz yangi tariximiz solnomasida tom ma’noda yorqin sahifa ochmoqda, xalqimizning fidokorona mehnati, bunyodkorlik salohiyati, erkin, ozod va farovon hayotimiz, g‘urur-iftixorimiz timsoli sifatida o‘z aksini topmoqda.

Yurtimizda o‘ziga xos yangilanishlar yuz bermoqda, katta bunyodkorlik ishlari amalga oshirilmoqda. Bularning barchasi ertangi kun egalari, kelajagimiz poydevorlari, umid hamda ishonchi bo‘lgan yoshlarimiz uchun ekanligi shubhasizdir.

Zero,  yurtimiz ravnaqi zamonaviy intelektual salohiyatga ega bo‘lgan  yoshlarimiz qo‘lida,  desak mubolag‘a bo‘lmaydi.

Muhtaram Prezidentimiz Islom Abdug‘anievich Karimov aytganlaridek, “Har qaysi davlat, har qaysi millat o‘z farzandlari qiyofasida, unib-o‘sib kelayotgan yosh avlod timsolida shu xalqqa xos eng go‘zal fazilatlarni namoyon etadigan, uning ezgu orzu – niyatlarini amalga oshirishda mardlik va fidoyilik ko‘rsatishga qodir bo‘lgan o‘z tayanchi va suyanchini ko‘rishi tabiiydir.”

Mamlakatimizda mustaqillikning dastlabki kunlaridanoq yoshlar masalasi davlat siyosatining eng ustuvor yo‘nalishlaridan biri qilib belgilandi.

Buning yorqin ifodasini yoshlarga oid davlat siyosatining asoslari to‘g‘risidagi O‘zbekiston Respublikasi qonunlari, Kadrlar tayyorlash milliy dasturining ishlab chiqilishi, nomlari belgilangan har bir yilda qabul qilingan dasturning asosiy qismi yoshlarga oid ekanligi, bu dasturlarni izchil amalga oshirilishi, yoshlar masalasi bilan shug‘ullanadigan “Kamolot” yoshlar ijtimoiy haraqati faoliyatida  ko‘rishimiz mumkin.

Bunga javoban yoshlarimiz zamonaviy intellektual bilimlarga  ega bo‘lib, zamon bilan hamnafas, jahon bilan bo‘ylashadigan iqtidor egalari bo‘lib voyaga etmoqdalarki, bu ko‘ksimizni faxr va g‘ururga to‘ldiradi.

Eng muhimi, mustaqilligimizning ilk yillarida  dunyoga kelgan yangi yosh avlod bugun voyaga etib,  o‘zini turli jabhalarda namoyon qilib kelmoqda.

Bugungi kunda viloyatimiz aholisi  725 162 nafar bo‘lsa, shuning  475 043 nafari yoki 65 foizini yoshlar tashkil etadi. SHu raqamning o‘zi yoshlar masalasi, ularning orzu-umidlari, muammolari bilan shug‘ullanish biz uchun asosiy  vazifa ekanligini ko‘rsatib turibdi.

Viloyatimizning oliy ta’lim muassasasida 3 672 nafar talaba, o‘rta – maxsus o‘quv yurtlarida 40 904 nafar, umumta’lim maktablarida 113 746 nafar o‘quvchi tahsil olmoqda.

Farzandarimiz uchun 1 ta oliy o‘quv yurti, 4 ta akademik litsey, 48 ta kasb-hunar kolleji, 302 ta maktab, 155 ta maktabgacha ta’lim muassasasi, 3 ta maxsus maktab-internat va 1 ta “Bolalar shaharchasi” faoliyat ko‘rsatmoqda.

Yurtimizda amalga oshirilayotgan tub islohotlarning mevasi sifatida bugun yoshlarimiz orasidan davlat mukofoti sovrindorlari, fan olimpiadalari, turli xalqaro tanlovlar, xalqaro sport musobaqalari g‘oliblari, jaxon chempionlari etishib chiqmoqda.

“Navbahor” qishloq xo‘jalik kasb-hunar kollejining 2-bosqich o‘quvchisi Sarvinoz Qurbonboeva 14 karra O‘zbekiston chempioni va Birlashgan Arab Amirligida  qizlar o‘rtasida bo‘lib o‘tgan Osiyo chempionatida bronza medalni qo‘lga kiritdi. Guliston pedagogika kolleji 2-bosqich o‘quvchisi Lola SHoimqulova Qozog‘istonning Kustanay shahrida shashka bo‘yicha bo‘lib o‘tgan Osiyo chempionatida ishtirok etib 1-o‘rinni egalladi. SHirin energetika va maishiy xizmat kasb-hunar kollejining 3-bosqich o‘quvchisi Sardor Muhiddinov va 2-bosqich o‘quvchisi Abdurahmon Abdukarimovlar Janubiy Koreyaning Seul shahrida bo‘lib o‘tgan baydarka va kanoeda eshkak eshish bo‘yicha Osiyo chempionatidan yurtimizga bronza medali bilan qaytib kelishdi.

Mustaqillik g‘oyasi ostida o‘sib – ulg‘aygan yosh avlod vakillari o‘z iqtidor va tashabbuslari bilan viloyatimiz iqtisodiyoti rivojiga  munosib hissa qo‘shib kelmoqdalar. SHu o‘rinda 2012 yildan boshlangan “YOsh fermerlar harakati” qisqa vaqtning ichida o‘zining yaxshi natijalarini berganini alohida ta’kidlamoqchiman. Bugun sirdaryoliklar Feruza Jo‘raeva, Bahodir Rizqulov, Zebiniso Eshon-xonova singari yosh fermerlarning nomlarini juda yaxshi biladilar. YAna quvonchli tomoni shundaki, ularning safi kundan kunga ortib bormoqda.

Aziz yoshlar!

Uch kundan beri  jonajon respublikamizning 22 yillik to‘yi  arafasida viloyatimizda yuqori ko‘tarinki ruhda “Biz buyuk yurt farzandlarimiz!” shiori ostida o‘tkazilayotgan festivalь tom ma’noda viloyat yoshlarining katta shodiyonasiga aylandi, desam xato bo‘lmaydi. U viloyatimizning chekka-chekka hudud-larida yashayotgan yoshlar orasigacha kirib bordi.

Ushbu festivalni tashkil etishdan asosiy maqsad, mamlakatimiz mustaqilligining 22 yilligini joylarda keng nishonlash, yoshlarni vatanparvarlik ruhida tarbiyalash, ularga yaratilgan shart-sharoitlarni keng targ‘ib etish hamda iste’dodli, salohiyatli yigit – qizlarni rag‘batlantirishdan iborat edi.

Festival doirasida 11 ta yo‘nalish bo‘yicha tuman va shaharlarda 36 ta ma’naviy-ma’rifiy, ijtimoiy-siyosiy hamda sport tadbirlari o‘tkazildi. Ularda viloyatimizning 22 ming nafardan ziyod yigit-qizlari faol ishtirok etdilar.  Tadbirlarda respublikamizning  taniqli siyosat-chilari, el suygan san’atkorlari, shoir-yozuvchilar, yosh olimlar hamda  sportchilar ishtirok etdilar.

Bir so‘z bilan aytganda, mazkur   festival yosh avlodning mamlakati-mizdagi ijtimoiy-iqtisodiy, siyosiy-huquqiy jarayonlarga munosabatlarini shakllantirish, ularni yot g‘oyalardan asrash, qadriyatlarimizga hurmat va sadoqat ruhida tarbiyalash, yoshlarning dunyoqarashi va fikrlash doirasini kengaytirish, ma’naviy barkamol shaxslar bo‘lib, jamiyatda o‘z o‘rinlarinitopishlarigaxizmat qilishiga ishonamiz.

Hurmatli tadbir ishtirokchilari!

Aziz yoshlar!

Barchangizni bugungi bayram bilan chin qalbimdan yana bir karra  muborakbod etib, sizlarga ona Vatanimiz va halqimiz, muhtaram Yurtboshimiz bildirgan ishonchni oqlashingizda ulkan zafarlar tilayman, osmonimiz musaffo, yurtimiz tinch mustaqilligimiz abadiy bo‘lsin!

E’tiboringiz uchun rahmat! 

 

907

Ishonch telefoni

0 371 200 02 06

Reglamenti Statistikasi
Ishonch telefoniga berilgan baholar

Yagona telefon

0 367 225 33 51

Reglamenti Statistikasi
Videolavha
 
Iyul 2018
Du Se Ch Pa Ju Sh Ya
« Iyun    
 1
2345678
9101112131415
16171819202122
23242526272829
3031  


© 2010-2018 Sirdaryo viloyat hokimligi. Sirdaryo viloyat kompyuterlashtirish markazi DUK tomonidan ishlab chiqilgan

Botirov Doniyor Egamberdiyevich

 

1968-yilda Jizzax viloyati, Jizzax shahrida tug`ilgan.
Millati -o`zbek

 

Ma`lumoti oliy. 1992-yilda Toshkent avtomobil yo`llar institutini;  2002 y. O`zbekiston Respublikasi Ichki ishlar vazirligi akademiyasini tamomlagan.

 

Mutaxassisligi: muhandis-mexanik,huquqshunos.

 

 

D.Botirov oilali, ikki qizning otasi.

×
Akbarov Asqarali Ortiqovich

1966-yilda Andijon viloyati, Andijon shahrida tug`ilgan.
Millati -o`zbek

Ma`lumoti oliy. 1991-yilda Toshkent temir yo`l transporti muhandislari instituti (kunduzgi).

Mutaxassisligi: mexanika muhandisi.

A.Akbarov oilali, ikki o`gil va bir qizning otasi.

×
Xusanboyev Abdumannon Abdulatipovich

1973-yilda Sirdaryo viloyati,Guliston tumanida tug`ilgan.
Millati -o`zbek.

Ma`lumoti oliy. 1995-yilda Toshkent davlat agrar universitetini tamomlagan.

Mutaxassisligi: olim-agronom.

A.Xusanboyev oilali, ikki qiz va ikki o`g`ilning otasi.

×
Baratbaev Abdurasul Saitmurodovich

1971-yilda Sirdaryo viloyati, Mirzaobod tumanida tug`ilgan.

Millati – o`zbek

Ma`lumoti oliy. 1994-yilda Samarqand davlat arxitektura-institutini tamomlagan.

Mutaxassisligi: muhandis-quruvchi.

A.Baratboyev oilali, ikki o`g`il bir qizning otasi.

×
Xudoyberdiyev Turg`un Yusupovich

1968-yilda Jizzah viloyati, Baxmal tumanida tug`ilgan.
Millati – o`zbek

Ma`lumoti oliy. 1984-yilda Toshkent davlat universitetini tamomlagan.

Mutaxasisligi: huquqshunosh.

T.Xudoyberdiyev oilali, ikki qiz ikki o`g`ilning otasi.

×
Mamanov Baxtiyor Mitanovich

1965-yilda Sirdaryo viloyati, Boyovut tumanida tug`ilgan.
Millati – o`zbek.

Ma`lumoti oliy. 1987-yilda Toshkent irrigatsiya va qishloq xo`jaligini mexanizatsiyalash muhandislari instituti, 2005-yilda O`zbekiston Respublikasi Prezidenti huzuridagi Davlat va jamiyat qurilish akademiyasini tamomlagan.

Mutaxassisligi: yer tuzuvchi-muhandis.

B.Mitanovich oilali, ikki qiz ikki o`g`ilning otasi.

×